Shokon dhe nusja e Sali Berishës! Gjerdan Tiffany 19.600 euro ditën e gjyqit të dhëndrit

Pikërisht ditën që gjithë opinioni publik shqiptar është i përqëndruar në skandalin e dhëndërit të Sali Berishës, Jamarbër Malltezi i akuzuar për korrupsion dhe pastrim parash si dhe me bllokimin e pasurive marramendëse, këtë herë, nusja e djalit të tij, nuk kursen marrjen e vëmëndjes.

Në një foto të publikuar në Instagramin e saj, Armina Mevlani, bashkëshortja e Shkëlzen Berishës, ka në qafë një gjerdan të firmës me famë botërore Tiffany me vlerën marramendëse nga 18.000 dollarë në 19.600 euro. Fotot u sollën në redaksi nga lexues të Shqiptarja.com, por kushdo, me një verifikim të lehtë mund ta verifikojë dhe krahasojë vetë fotot e gjerdaneve.

Edhe ditën e arrestimit të Jamarbër Malltezit, mesazhi i nuses së shtëpisë Berisha linte për të dëshiruar: një depilim me lazer, ishte fotoja e saj në Instagram. Në gjuhën shqipe ka shumë shprehje pikërisht me qimet, që lënë të nënkuptosh, gjendjen e saj emocionale në ditët që familjarë të afërt të saj akuzohen për korrupsion dhe pastrim parash. Sidomos, atë që shumë shqiptarë e vënë re edhe te kjo vajzë, është publikimi i një stili tepër të lartë të nivelit ekonomik të jetesës në krahasim me atë ardhurat e punës së saj, apo të familjes nga vjen.

M.Q./SI.E./Shqiptarja.com

TAG:
• Jamarbër Malltezi
• Tiffany
• sali berisha
• Armina Mevlani